Bann ki pa'n zanmen egziste

Apre linyon bann liniver, Limanite ti kontinyen egziste. Me en kantite sivilizasyon, dimoun, ek listwar in ganny efase dan larealite.

Pour plizyer lannen, lemonn ti krwar ki lepase ti finalman ganny proteze. Ziska ki bann premye manifestasyon ti komanse.

An Portigal, en serser i resevwar bann lapel telefonn sorti kot en fiy ki i pa'n zanmen gannyen. an Irlann, en vilaz i aparet dan rev plizyer santenn etranze. Dan lezot pei, bann dimoun ki’n disparet i retourn dan zot lakour kot zot pa’n zanmen reste.

bann mor pa pe retournen. en keksoz bokou pli pir pe arive.

bann legzistans ki pa ti zanmen apartenir a nouvo realite i rod fason pou konkerir en plas parmi bann vivan.

Inês Valente, en serser Portige, i rasanble en pti lekip pou dekouver lorizin bann levennman. Me sak larepons i anmenn li pli pre avek bann fenomenn pli enkyetan, kapab sanz bann souvenir, ranplas lidantite, e transform lemonn san ki personn i remarke.

Lenvestigasyon i evantyelman anmenn li kot José Monteiro, sa zonm ki gard bann souvenir en liniver ki nepli egziste.

José i konn bann sivilizasyon ansyen, i konpran konsekans fizyon bann liniver, e in fer fas avek bann levennman enposib. me sa fwasi, menm li i napa tou larepons.

Anmezir ki bann manifestasyon i propaze, Inês i dekouver ki bann prezans pa pe zis rod retournen. Zot rod ganny rekonnet konman bann dimoun ki’n toultan egziste.

e plis limanite i krwar dan zot, plis menas i vin pwisan.

akoz serten keksoz i pli pir ki mor. enn ladan se dekouver ki ou pa'n zanmen egziste.